މަސްތުވާތަކެއްޗާއި ރިޝްވަތާ ހަމަ ހަޤީޤަތުގަިވެސް ރައްޔިތުން ދެކޮޅުތޯ
މި ބަރަކާތްތެރި ރޯދަމަހުވެސް ކިތައް މީހުން އެކި ގޮތްގޮތަށް ރިޝްވަތު ނަގައިފިތޯއެވެ. ރޯދަމަސްކަމުން ޝައިތޯނާގެ ބޮލަކަށްވެސް މިކަން ކަނޑައެއް ނުލެވޭނެއެވެ. ހެއްދެވި ފަރާތުން އެ ހުއްޖަށްވެސް މި މުޖުތައުއަށް ނުދެއްކޭނެހެން ކަންކަން ތަރުތީބު ކުރައްވައިފިއެވެ. މަސްތުވާތަކެއްޗާ ދެކޮޅޭ ބުނާއިރު ބޮޑެތި ޑްރަގް ޑީލަރުން އިންތިހާބަށް ކުރިމަތިލައިގެން އެމީހުންގެ ނަމުގައި ކުޅިވަރު މުބާރާތްތައް އެބަ ބާއްވައެވެ. ރައްޔިތުން އަންބާކިޔާފައި މި މުބާރާތްތަކުގައި ބައިވެރިވާއިރު އެއީ އެފަދަ މީހުންނަށް ދެވޭ ހިތްވަރެއް ނޫންތޯއެވެ. މުބާރާތުގެ އެކި ވަނަތަކަށް އޭނަ ދޭ ފައިސާއަކީ ބަހާ ރިޝްވަތެއް ނޫންތޯއެވެ. އެއީ އޭނަ ކޮންތާކުން ހޯދި ފައިސާއެއްތޯއެވެ. މާދަން އޭނަ ވިއްކާ މަސްތުވާތަކެތީގެ ވަބާގައިޖެހި ތިމާގެ ދަރިން ހަލާކުވީމައި ދެން ސަރުކާރާއި ފުލުހުންނާއި ކޯޓުތަކަށް ހަޅޭއްލަވާނެއެވެ. އޭގެ ކުރިން ހަމަ ހެވިހެވިފައި އެމީހުން ކުރާ ހުރިހާކަމެއްގައި ބައިވެރިވަނީއެވެ. ގެއަށް ވޯޓް ހޯދަން އަންނަ މީހުންކައިރީ ގޭގެ ކަރަންޓްބިލް ދައްކަން، އެެއަރކޯނެއް ގަނެދޭން އެއްވެސް ލަދެއްނެތި ބުނާއިރު އެއީވެސް ރިޝްވަތެއް ނޫންތޯއެވެ