ޓެކްސް ބޮޑުކުރަން ރުހޭނަންތޯ؟
ރާއްޖޭގައި މިވަގުތު ހުރި ސިނާއަތްތައް އިތުރަށް ކުރިއެރުވުމަށް މާގިނަ މަސައްކަތްތަކެއް ސަރުކާރަށް ނުކުރެވޭއިރު، އިޤްތިސާދު ޑައިވައިސިފައި ކޮށް އައު ސިނާއަތްތަކެއް ބިނާކުރުމުގެ އެއްވެސް މަސައްކަތެއް ކުރާތަނެއް ނުފެނެއެވެ. ސަރުކާރަށް އިޤްދިސާދޭ ބުނާއިރަށް ފެންނަނީ ރައްޔިތުމީހާގެ ޖީބެވެ. އާއިލާ ބޭފުޅުން ބޭރުގެ އެމްބަސީތަކުގައި ބައިތިިއްބައިގެން ދޭ މުސާރަ ކުޑަކުރުމުގެ ވިސްނުމެއް، ސިޔާސީ މަގާމުތައް މަދުކުރުމުގެ ވިސްނުމެއް ނެތެވެ. ރިސޯޓްތަކުން ނުދައްކާ ހުރި ބިމުކުއްޔާއި ޖޫރިމަނާ ހޯދުމުގެ ވިސްނުމެއް ނެތެވެ. ހުރީ އެކަނިވެރި މަޔާއި، ދެ ވަޒީފާ އަދާކޮށްގެން އަނބިދަރިން ބަަލުންދާ ބަފާގެ ޖީބަށް އަތް ބާނައިގެން ފޭރުމުގެ ވިސްނުމެވެ. މިހާލަތުގައި ޓެކްސް ބޮޑުކުރަން ތިބޭފުޅުން ރުހޭނަންތޯއެވެ؟
