ރޯދަމަސް ދެބައިވިރުވެސް ޔަހޫދީ ޕާސްޕޯޓު މަނާ ނުކުރެވުނު

ގާޒާގެ ރައްޔިތުން ތިބީ ކުޑަ ގޮޅިއަކަށް ލައި ކަސްތަޅުއަޅުވާފައެވެ. އަންހެނުންނާއި، ކުޑަކުދިންނާއި ބަލިމީހުންނާއިވެސް އެކުއެވެ. އެ ތަނަށް އެހީއާއި ކާބޯތަކެތި ހިފައިގެން ދާ ބަޔަކަށް ނުވަދެވެއެވެ. އެހީ ބަލާ އެތެރޭގައި ތިބި ބަޔަކަށް ބޭރަކަށް ނުނިކުމެވެއެވެ. މި ހާލަތުގައި ބަންދުކޮށްފައިވާ އެ ގޮޅިއަށް ޔަހޫދީން ދަނީ ބޮން އަޅަމުންނެވެ. މިއީ ނިރުބަވެރި އަމަލެކެވެ. ހަނގުރާމައެއް ނޫނެވެ. ފަލަސްތީނުގެ ރައްޔިތުންނަކަށް “ޑުއަލް ސިޓިޒަންޝިޕޭ” ކިޔާފައި، ޗުއްޓީ ހަދާލައި ރާޅާ އަރާކަށް ރާއްޖެއަކަށް ނާދެވެއެވެ. ދެން ޔަހޫދީ ނިރުބަވެރިންނަށް ދުނިޔެ މަތީގައިވާ ސުވަރުގެކަމަށް ސިފަކުރާ މަންޒިލަށް އާދެވެންވީ ވަކި ކީއްވެތޯއެވެ.

ދިވެހިން ވަރަށް ފޯރިއާއިއެކު އިންޑިއާ ފަތުރުވެރިން ނަޔަސް ހެޔޮކަމުގައި ބުނެއެވެ. އިންޑިއާއިން ހަނޑޫ، ހަކުރު، ފުށް ނުދިނަސް ބަނޑަށް ނުޖެހޭނެކަމުގައި ބުނެއެވެ. ރިޒްޤު ދެއްވަނީ އިންޑިއާ އަކުން ނޫނޭ ބުނެއެވެ. އެހެން ގޮތްގޮތް ދިވެހިންނަށް ހޯދޭނެ ކަމުގައި ބުނެއެވެ. ޤައުމީ ޖަޒުބާތުގައެވެ. ދެން ޔަހޫދީ ނިރުބަވެރިންގެ ޕާސްޕޯޓު މި ބޯޑަރު ހުރަސްކުރުން މަނާނުކުރެވިގެން މި އުޅެނީ ކީއްވެގެންތޯއެވެ. ރިޒްޤު ދެއްވަނީ ޔަހޫދީންތޯއެވެ.

ދިވެހިރާއްޖޭއަކީ ޑްރޯނެއް ގަތަސް، ފަލަސްތީނު މިނިވަންކުރަން ދެވޭފަދަ ޤާބިލުކަމެއް މިއިން ޒަމާނަކު ލިބޭނެވަރުގެ ޤައުމެއް ނޫނެވެ. މި އުޅެނީ އަމިއްލަ ކަނޑު ބަލަހައްޓާނީ އަމިއްލައަށޭ ކިޔާއިރު، މިތާ ތިބި ޖުމްލަ އިންޑީއާ ސިފައިންގެ އަދަދުވެސް ނޭގިގެނެވެ. އެއްވަނަ ބެޗު ގޮސްފިއޭ، ދެވަނަ ބެޗު ހެދުން ބަދަލުކޮށްގެން އައިސްފިއޭ ކިޔާއިރު، އިންޑިއާ އާއިއެކު ކުރެވޭ މަޝްވަރާތަކުގައި އެމީހުން އާހޫން ލެއްވިޔަސް، ތިބީ ކިހާ ބައެއްކަން ނޭގޭނަމަ، އެ ދިޔައީ އަދި އެއް ޕަސެންޓް މީހުންތޯވެސް ނޭގޭ ހާލުގައި އޮތް ޤައުމެކެވެ. ކޭ.އެފް.ސީ އާއި ޔަހޫދީންނަށް ވާގިވެރިވާ އެކި ބްރޭންޑްތައް ބޮއިކުރުމުގައި ދިވެހިން ވަނީ ނުކުޅެދިފައެވެ. އެ ވިޔަފާރިތައް މި ރޯދަމަހުވެސް އެކި ޕްރޮމޯޝަންތައް އަޅުވާލާފައި އެ ދަނީ ކުރިއަށެވެ. ޖަޒުބާތުގައި ޖެހިގެން ފެށި ޕެޓިޝަނާއި، ސައިކަލް ބުރުތައް އެއް ބަޔަކަށް ސިޔާސީވެ އަނެއް ބަޔަކަށް ވީ ބޮޑު ވިޔަފާރިއަކަށެވެ. މަގުމަތީ ބާޒާރުތަކާއި މިއުޒިކް ޝޯތައް ބާއްވާ އެކަމުގައިވެސް ދިޔައީ ހައްދުފަހަނައަޅައެވެ. އެހެންކަމުން މިކަން ހަމަ އެކަނި ސިޔާސީ ވެރިންގެ ބޮލަށް ކަނޑާލައިގެން ތިބެވޭކަށްވެސް ނެތެވެ.

ޔަހޫދީންގެ ޕާސްޕޯޓު މަނާ ކުރުމީ މިވަގުތު މި ޤައުމަށް ކުރެވެން ހުރި މަދު ކަންކަމުގެ ތެރެއިން އެއްކަމެވެ. އެކަން ކުރަން ވަކި ޕާޓީއެއް ބެލުމެއް ނެތި ވެރިންނަށް ޕްރެޝަރ ކުރައްވާށެވެ. މަޖިލީހުން އެއޮތީ ޤަރާރު ފާސްކޮށް ރައީސް އޮފީހަށް ފޮނުވާފައެވެ. މި ބަރަކާތްތެރި މަހު އެކަން ރައީސް ލައްވާ ކުރެވިއްޖެނަމަ އެއީ ފަލަސްތީނުގެ މުޖާހިދުންނަށް ދެވޭނެ ހިތްވަރުގެ މެސެޖެކެވެ. ޔަހޫދީންނަށް އެމީހުން ދަނީ އެކަނިވެރިވަމުންކަން ދައްކުވައިދޭނެ މެސެޖެކެވެ. މުސްލިމް އެހެން ޤައުމުތަކަށްވެސް ދިވެހިން އޮތީ ވަރުގަދައަށް ފަލަސްތީނާއި އެކުކަމަށް ދެވޭ މެސެޖެކެވެ.

qSamulqSok raweC qnuyil

ވެރިން ކުރާ ވައްކަމާއި ދެކޮޅޭ ކިޔާފައި، ހަމަ އެ ފައިސާއަށް ވޯޓު ވިއްކާނުލާށެވެ

ވައްކަމުގެ ފާހަގައެވެ. ރައްޔިތުންގެ ފައިސާއެވެ. ކުންފުނިތަކާއި ވުޒާރާތަކެވެ. ވަކިތަނެއް ވަކި ގިންތިއެއް ނެތެވެ. ވެރިން ކެވުނު ގޮތަކަށް ކަނީއެވެ. ދައުރު ހަަމަވުމުން ކުރިމަތިލަނީ މަޖިލީހަށެވެ. އަނެއް ފަސް އަހަރު ކާށެވެ. އެހެން މަޤާމެއްގައި ހުރެއެވެ.

Read More »

މިނިވަންކަމުގެ އަސާސެއްގައި ރެނދުލައިފި

ސަރުކާރަށް އެ ލިބެނީ ލައިސެންސެކެވެ. މިނިވަންކަމުގެ އަސާސަކާއި ކުޅެލުމުގެ ލައިސެންސެކެވެ. ދެން އަންނާނީ ކަންމަތީ ފިހާރައާއި ދިމާލަށް ނޫންކަމެއް ނޭގެއެވެ. އެއަށްފަހު އާންމު މީހާ އޭނާގެ ޖީބުން ހަރުދު ކުރާނެ ގޮތްވެސް ކަނޑައަޅާނީ ސަރުކާރުންނެވެ. މި ދެވެނީ އެވަރުގެ ލައިސެންސެކެވެ

Read More »

ރޯދަމަހު ވޯޓު ވިއްކަން ދުވި ބަޔަކަށް ރީތީގެ މުބާރާތް ފެނި ހަރާމް ހަލާލް ހަދާންވެއްޖެ

އެއްވެސް އަހްލާގެއް ނެތް، ތައުލީމެއް ނެތް، އުޅުމެއް ނެތް، އެތައް ބަޔަކަށް ވޯޓު ވިއްކީއެވެ. ރައްޔިތުން ބުނަނީ ތިމަންނަމެން ބޭނުމީ މަސްތުވާތަކެއްޗާއި ދެކޮޅަށް ފިޔަވަޅު އަޅާށެވެ. ކޮރަޕްޝަން ހުއްޓުވާށެވެ. މަޖިލީހަށް ތައުލީމީ ޤާބިލް މީހުން ހޮވާށެވެ. ވިޔަފާރިވެެރިންގެ ކޮންޓްރޯލް ކުޑަކުރާށެވެ. ނަމަވެސް ވޯޓަކާއި ޖެހުމުން ވޯޓު ވިއްކާލަނީ އޭގެ އެންމެ އިދިކޮޅު މީހާއަށެވެ. ހަލާލް ހަރާމް ކީއްކުރަންތޯ، ތިމާމެންގެ އަމިއްލަ ބުނުމަށް ވެސް ހަރާންކޯރުވި ބައެކެވެ

Read More »