އެމް.ޑީ.ޕީއަށް އަލީ ވަހީދު ދޫކޮށްނުލެވިގެން އުޅެނީ، ޕީ.އެން.ސީއަށް އެ ޕާޓީ ނަމުގައި ވާދަކުރާ ބޮޑެތި ޑްރަގް ޑީލަރުން ދޫކޮށްނުލެވިގެން އުޅެނީ، ޕާޓީ ތަކުގެ ވެރިން ވޯޓު ގެއްލިދާނެ ގަންނަ ބިރަކާއި ހެދިއެވެ. ނުގަވައިދުން ޕާކު ކުރާ މީހުން، ލޭނުން ބޭރުން ދުއްވާމީހުން، ބާރު ދުވެލީގައި ދުއްވާ މީހުން، މަގުތަކަށް ކުނިއަޅާ މީހުން، އާންމު ތަންތަނުގައި ދުންފަތުގެ އިސްތިއުމާލު ކުރާ މީހުން، އެކަން ތަކުރާރު ކުރަނީ ވޯޓަށް ބިރުން ޤައުމުގެ ވެރިން ހުރިހާ ކަމެއް މާފުކޮށްދޭތީއެވެ. ވައްކަންކުރާ މީހުން، މަގު ފޭރޭ މީހުން، މާރާމާރީ ހިންގާމީހުން، ބިޑި އެޅުވިޔަސް ހެވިލާފައި ތިބެނީ ވޯޓަކާއި ޖެހޭއިރަށް އެންމެން މިނިވަންވާނެކަން އެމީހުން ދަންނާތީއެވެ.
ވަސީލަތާއި ހިދުމަތުގެ ގޮތުން މާލެއާއި ވާދަކޮށްލެވޭ ވަރަށް ރާއްޖޭގެ އެހެން ރަށެއް ތަރައްޤީ ކުރާނަމަ، ކުރަންވީ ކޮން ރަށެއް؟
March 3, 2026
މިހިސާބުން އުފެދޭ ސުވާލަކީ ކުރިންވެސް އުފެދުނު ސުވާލެވެ. ވަސީލަތާއި ޙިދުމަތުގެ ގޮތުން މާލެއާއި ވާދަކޮށްލެވޭ ވަރުގެ އެހެން ރަށެއް ތަރަައްޤީ ކުރާނަމަ ކުރަންވީ ކޮން ރަށެއް ނުވަތަ ރަށްތަކެއް ތޯއެވެ. އުތުރުން ރަށަކާއި ދެކުނުން ރަށެކޭ ވަރަށް ގިނަ މީހުން ކިޔާނެއެވެ. ނަމަވެސް އުތުރުން ކޮން ރަށަކާއި ދެކުނުން ކޮން ރަށެއް ތޯއެވެ؟ އަދި އެ ތަރައްގީ އެ ރަށަށް އަމާޒުކުރަންވީ ކޮން ސަބަބުތަކެއް ހުރީމައިތޯއެވެ؟
