ވަނަ އަހަރު ހެންވޭރު ގެއެއްގައި ހުރި ކެމިކަލް ގުދަނެއްގައި ރޯވެ މާލޭގައި ބޮޑު އަލިފާނުގެ ހާދިސާއެއް ހިނގިއެވެ. އަލިފާނުގެ ގެއްލުން އިތުރު އެތައް ގެއަކަށް ވިއެވެ. މީހެއްގެ ފުރާނަ ގެއްލިގެން ދިޔައެވެ. 2022 ވަނަ މާފަންނު ގެއެއްގައި ހުރި ގުދަނެއްގައި ރޯވިއެވެ. ހަމަ އަލިފާން ހިފާ ގޮވާ ޒާތުގެ އެއްޗެހި ގުދަންކޮށްފައެވެ. މިފަދަ ކޮންމެ ހާދިސާއެއް ހިނގާއިރަށް ވެރިން ނުކުމެ މާލެއިން ގުދަންތައް ހުސްކުރި ކަމުގެ ޔަގީންކަން ދެއެވެ. ނަމަވެސް އަނެއްކާވެސް ފެންނަނީ ހަމަ ކަން ތަކުރާރުވާތަނެވެ. ކުރީ ދެ ހާދިސާއަށް ފަހު ވެރިން އެ ޔަގީންކަން ކަށަވަރު ކުރިއެވެ. އޭގެ ފަހުން 2024 ވަނަ ތަންތަން ބަލާ ފާސްކުރުމުގެ ތެރެއިން މާލެއިން ކެމިކަލް ގުދަނުގެ ގޮތުގައި ބޭނުންކުރާ 114 ތަނެއް ފާހަގަކުރެވުނެވެ. އެއީ އަދި ފަޅާއެރި ތަންތަނެވެ. ސިއްރުން ހިންގާ ކިތައް ތަން ހުންނާނެތޯއެވެ.

މި ވޭތުވި އަހަރުތަކުގެ ކުދި ބޮޑު އެތައް އަލިފާނުގެ ހާދިސާއެއް ހިނގައިފިއެވެ. ގުދަންތަކާއި ގަރާޖުތައް މީހުން އުޅޭ ސަރަހައްދާއި ދުރައް ގެންދަން އިންޑަސްޓްރިއަލް ވިލެޖް ނަމުގެ މާލޭގައި ތަނެއް ހިއްކާފައި އެބައޮތެވެ. އަދިވެސް ބޭނުންކުރަނީ ކުނިގޮނޑަކަށެވެ. ގުދަންތައް ހަމަ ސިއްރާއި ފާޅުގައި މާލެތެރޭގައި ހިންގައެވެ. ދެން ފެންނާނީ ހެޑްލައިނެކެވެ. ކެމިކަލް ގުދަންތައް ތިލަފުއްޓަށް ބަދަލު ކުރަން އެވެނި މިވެނި މުހުލަތެއް ދީފައެވެ. އަނެއްކާވެސް އެވާހަކަ އެ ނިމުނީއެވެ.

ސުވާލަކީ ގަވައިދުން ގަރާޖުތަކާއި ގުދަންތައް ބަލާ ފާސްކުރުމުގެ ޒިންމާ ނަގަން ޖެހޭ ހަމަ އެއްވެސް ބަޔަކު ނެތީތޯއެވެ. ކޮންމެ ފަހަރަކުވެސް ތެޅިގަންނަނަން ޖެހެނީ ބޮޑު ހާދިސާއެއް ހިނގީމަތޯއެވެ. ހައްލެއްގެ ގޮތުގައި ފަށާ އެއްވެސް ކަމެއް ކޮޅެއްގައި ނުޖެހި ނިމެނީ ކީއްވެތޯއެވެ.