ރައްޔިތުންގެ ހާދިމުންގެ ގޮތުގައި، ރައްޔިތުން ތަމްސީލް ކުރަން، ބޮޑު މުސާރަ ދީފައި ތިބެނީ ކަމަކުއެވެ. އެމީހުންގެ އެންމެ ބޮޑު ޒިންމާ އަކީ ސަރުކާރާއި މުއައްސަސާތައް ޒިންމާދާރު ކުރުވުމެވެ. އެކަމުގައި ފެއިލްވާ ހިސާބުން ހުރިހާ ކަމެއް ގޯހުން ގޯހަށް ދެއެވެ. ވެރިންނަށް އެމީހުން ކޮންމެ ކަމެއް ކޮށްފައިވެސް މަޤާމުގައި ހުރެވޭނެކަމުގެ ޔަގީންކަން އޮވެއެވެ. ކުރިން ހިނގި ސަފާރީ ރޭޕްކޭސް، މިއަދު ހިނގައިގެން މި އުޅޭ ކަމާއި، ކުރިން ހިނގިހާ ބޮޑެތި ވައްކަންތައްވެސް ނުބެލި ވަނީ އެކަން ނުބެލިއަސް ކުރެވޭނެ ކަމެއް ނެތް ކަން ވެރިންނަށް އިނގޭތީއެވެ. ގިނަ ކަންކަން ހިނގާވެސް މެމްބަރުންގެ ބައިވެރިވުން އޮވެގެނެވެ
ހުރިހާ ސިޔާސީ މީހުންގެ މުސާރަތައް ވެސް ކުޑަކުރަންވީއެވެ. ޤަބޫލެވެ. ނަމަވެސް ހުރިހާކަމެއްގެ ފެށުން އަންނަނީ މެމްބަރުންނާއި ހަމައިން ކަމުން، ފުރަތަމަ މި މަސައްކަތްވެސް ފެށީ އެމީހުންނާއި ހަމައިންނެވެ. ބޮޑު މުސާރަ ލިބޭއިރު އެވަރު ނުފުދިގެން، ރައްޔިތުންނަށް ބޯހިޔާވަހިކަން ފޯރުކޮށްދޭން ފްލެޓެއް އަޅާލިޔަސް އޭގެންވެސް ބައެއް އެމީހުންގެ އާއިލާތަކަށް ދޭންޖެހެއެވެ. ސަރުކާރުން ހިންގާ މަޝްރޫއުތަކުގެ ބައެއްވެސް އެމީހުންނަށް ދޭންޖެހެއެވެ. އެމީހުންގެ ގާތް މީހުންނަށް ކުންފުނިތަކުން ވަޒީފާދޭންވެސް ޖާގަ ހަދަން ޖެހެއެވެ. މިކަން ނިމުމަކަށް އަންނަން ޖެހެއެވެ. އަމާޒަކީ މެއި މަހުގެ މެދު ތެރޭގައި މި ޕެޓިޝަން މަޖިލީހަށް ހުށަހެޅުމެވެ
ޕެޓިޝަނަށް ވަނީ 2000 އާއި ގާތްކުރާ އަދަދަކަށް ސޮއި ލިބިފައެވެ. ނަމަވެސް އޮންލައިން ކޮށެވެ. އޮންލައިން އެއްޗެއް ޤަބޫލު ނުކުރާނަމޭ ކިޔާ މި ޕެޓީޝަން ބޭރުކޮށްލުމުގެ ކަންބޮޑުވުން އެބައޮތެވެ. އަދި އެތައް ބަޔަކު ދަނީ ޕެޓިޝަންގެ ކަރުދާހުގައި ސޮއި ކުރެވޭނެ ގޮތް ހަދައިދިނުމަށް އެދި މެސެޖުކުރަމުންނެވެ. އެހެންކަމުން، މި ޕޭޖުން ސޮއި ކުރާ ގަނޑު ލިބޭނެއެވެ. ސޮއި ކުރުމަށްފަހު ޕޭޖަށް ފޮނުވައިދޭށެވެ. އެކަކުގެ ސޮއިވިޔަސް، ފަސް މީހުންގެ ސޮއިވިޔަސް އަދި ސަތޭކަ ސޮއި ވިޔަސް ވަރިހަމައެވެ. ކޮންމެ ސޮއި އަކީވެސް ވަރުގަދަ މެސެޖެކެވެ
ޕެޓިޝަން ޑައުންލޯޑް ކުރެއްވުމަށް:
އޮންލައިންކޮށް ސޮއި ކުރަން ބޭނުންވާ ފަރާތްކަށް އަދިވެސް އެ ފުރުސަތު އޮންނާނެއެވެ. ތިރީގައިވާ ކޯޑު ސްކޭން ކޮށްލައިގެން ސޮއި ކުރާ ޕޭޖަށް ދެވޭނެއެވެ
