ކުރިއަތް އޮތް ތާނގައިވެސް “ހިޔާލު” އިން މަސައްކަތް ކުރާނީ މިމަގުގައެވެ. ތިކުރާ ކަމަކުން ކުރާނެ ފައިދާއެއް، ނުކުންނާނެ ނަތީޖާއެއް ނޯޢްނާނޭ ގޮވާ އެތައް ރައްޔިތުންނަކާއި ދިމާވެއެވެ. ނަމަވެސް ފަރުވާލެއް ނެތެވެ. ނަޝޭހަތަކީ އެކަނި ހުންނަން ޖެހުނަސް ރިޝްވަތާއި ދެކޮޅަށް ހުންނަ މީހަކަށް ވާށެވެ. އުފާވެރި އައު އަހަރަކަށް އެދެމެވެ
ރައްޔިތުން ބުނަނީ ޕާޓީތައް ދެކެ ފޫހިވެއްޖެކަމުގައެވެ. ޕާޓީތަކުން ބުނަނީ ލާމަރުކަޒީ ނިޒާމު ފުރިހަމައަށް ތަންފީޒު ކުރަން ބޭނުންކަމުގައެވެ. ފެންނަނީ ބަހާއި އަމަލާއި ދިމާވާ މީހުން މަދު ޤައުމެއްގައި ކަންވާނެ ގޮތެވެ
ދީނުގައި ވަނީ ސަބަބުތަކުގައި ހިފުމަށެވެ. ހަށިގަނޑަށްވެސް ބަލައިގެން އުޅުމަށެވެ. ކެއުމާއި ބުއިމުގައި މެދުމިންގަނޑެއް ހިފެހެއްޓުމަށެވެ
ހިތްގަޔާ ނުވާ ކަމެއް ނުހިގައެކޭ ނޫނެވެ. އެ ހަދާންތަކުން ހެވަށްވުރެ ގިނަ މީހުން ހިތުލަނީ ނުބައެވެ. ޒަމާނާއިއެކު އެ ޖޯލިތައް ކަނޑާލައިފިއެވެ. ފަޅުވެއްޖެއެވެ. އޭރު އެފެނުނު ގުޅުންތަކާއި، ހީ ސަމާސާކުރާ އަޑު އަދު މަދުން ނޫނީ ނީވެއެވެ.
ވަޒީފާގައި އަވަދިވިޔަސް، އަލްވަދާއު ކިޔަން ޖެހޭނެ ދުވަސް އަންނާނެއެވެ. އެގުޅުންތައްވެސް ފަނޑުވެދާނެއެވެ. ފީވި ކަށިތަކާއި ސިއްހަތު އިޔާދަކުރަން ދަތިވާނެއެވެ. ބަލިވީމަކާއި އޮފީހަކުން އަޅައެއް ނުލާނެއެވެ. އެހީވާން ތިބޭނީ ހަމަ އާއިލާއެވެ. އެޅި ނަމާދަކާއި މެދު ސުވާލު ވެވޭނެ ދުވަސްވެސް އަންނާނެއެވެ. ސަލާމަތްކޮށްދޭން މެނޭޖަރެއް ނާއްނާނެއެވެ
