ޤައުމަކާއި ނަވެއް އަޅާކިޔާނަމަ، ރައީސް އަކީ ކައްޕިއެވެ. ވަޒީރުންނަކީ ފަޅުވެރިންނެވެ. ކޮންމެ ފަޅުވެރިއަކާއި ވަކި ކަމެއް ހަވާލުކުރެވިފައިވާނެއެވެ. ފަޅުވެރިންގެ ދަށުން އެހީތެރިންވެސް ތިބޭނެއެވެ. އެއްވެސް އުސޫލެއް ހައްދެއް ނެތި އެހީތެރިން އޮޑިއަށް އޮއްސާލުމަކީ ހަމަޖެހޭ ކައްޕިއެއް ކުރާނެކަމެއް ނޫނެވެ. އަދި އެހެންމެ ގަދަ ކޮޅިގަނޑެއްގައި ފަޅުވެރިން ބަދަލުކުރާކަށްވެސް ކައްޕިއެއް ނޫޅޭނެއެވެ
މި އަހަރުގެ ފުރަތަމަ ދައުރުގެ ފުރަތަމަ ޖަލްސާ ބޭއްވުނީ 5 ފެބްރުއަރީގައެވެ. މިހާތަނަށް ބާއްވާފައި ވަނީ އެންމެ 5 ޖަލްސާއެވެ. މެއި މަހު 15 ވަނަ ދުވަހު، މި އަހަރުގެ ފުރަތަމަ ދައުރު ހަަމަވެ އަނެއްކާވެސް މެމްބަރުން ދާނީ މަސް ދުވަހުގެ ޗުއްޓީއަކަށެވެ. މަޖިލީހުގެ ޤަވާއިދުގައިވާ ގޮތުން ދައުރުގެ ތެރޭގައި ބާއްވަން ޖެހެނީ ހަފްތާއަކު މަދުވެގެން ތިން ޖަލްސާއެވެ. މިވަރުވެސް ކޮށްނުލެވި މަހަކަށްވުރެ ގިނަ ދުވަސް ވެއްޖެއެވެ
ރައްޔިތުން މި ނަގައިދިން ފިލާވަޅު ދަސްނުވެއްޖެނަމަ ދެންވެސް އޮތީ ހިތި ނަތީޖާއެވެ. އަބަދަކު އާރާއި ބާރަކު ނުތިބެވޭނެއެވެ. ދެންވެސް ކާމިޔާބު އޮތީ ރައްޔިތުންނަށެވެ. ބޮޑާކަމާއި ކިބުރުވެރިކަން ދޫކޮށް، ރައްޔިތުންގެ ޙިދުމަތަށް ރުޖޫއަވާށެވެ
މި ހާލަތުގައި އިންތިހާބު ނިމޭ ގޮތަށް ހަރަދު ކުޑަކުރަން ފިޔަވަޅު އަޅާނެކަން ކަށަވަރެވެ. ރައްޔިތު މީހާ އަށް ގަރުދިޔަ އާއި ބަތާ ކާން މަޖުބޫރު ކުރުވާނެ ފިޔަވަޅުތަކެވެ. ވެރިން އުޅޭނީ ހަމަޖެހިގެނެވެ. އެމީހުން ތިބީ ފުދިގެނެވެ. ހަރަދު ކުޑަކުރަންވެސް މަޖިލިސް މެމްބަރުންނާއި ސިޔާސީންނަށް މިކުރާ ހަރަދު ކުޑަކުރުމުގެ ވިސްނުމެއް ނެތް
ސުވާލަކީ ގަވައިދުން ގަރާޖުތަކާއި ގުދަންތައް ބަލާ ފާސްކުރުމުގެ ޒިންމާ ނަގަން ޖެހޭ ހަމަ އެއްވެސް ބަޔަކު ނެތީތޯއެވެ. ކޮންމެ ފަހަރަކުވެސް ތެޅިގަންނަނަން ޖެހެނީ ބޮޑު ހާދިސާއެއް ހިނގީމަތޯއެވެ. ހައްލެއްގެ ގޮތުގައި ފަށާ އެއްވެސް ކަމެއް ކޮޅެއްގައި ނުޖެހި ނިމެނީ ކީއްވެތޯއެވެ
މިހިސާބުން އުފެދޭ ސުވާލަކީ ކުރިންވެސް އުފެދުނު ސުވާލެވެ. ވަސީލަތާއި ޙިދުމަތުގެ ގޮތުން މާލެއާއި ވާދަކޮށްލެވޭ ވަރުގެ އެހެން ރަށެއް ތަރަައްޤީ ކުރާނަމަ ކުރަންވީ ކޮން ރަށެއް ނުވަތަ ރަށްތަކެއް ތޯއެވެ. އުތުރުން ރަށަކާއި ދެކުނުން ރަށެކޭ ވަރަށް ގިނަ މީހުން ކިޔާނެއެވެ. ނަމަވެސް އުތުރުން ކޮން ރަށަކާއި ދެކުނުން ކޮން ރަށެއް ތޯއެވެ؟ އަދި އެ ތަރައްގީ އެ ރަށަށް އަމާޒުކުރަންވީ ކޮން ސަބަބުތަކެއް ހުރީމައިތޯއެވެ؟
ކުރިއާއި ޙިލާފަށް މި ރޯދަމަހު ރޯދަމަހެއް އައިކަމުގެ އިހްސާސެއް ނުކުރެވެއެވެ. އާންމުކޮށް ހޯމަ ބުރާސްފަތީގައި ސުްނަނަތް ރޯދަ ނުހިފާ މީހަކަށްވެސް ރޯދަމަހު ރޯދައަށް ހުންނަ އިރު، އެހެން މަސްމަހާއި ތަފާތުކަން އިހްސާސް ކުރެވޭނެއެވެ. ވައިގެ ތެރޭގައި އަދު މާހައުލުގައިވެސް ތަފާތު އިހްސާސެއް ހުރެއެވެ. މީސްމީޑިއާ އިންވެސް މި ޝުއޫރު ކޮންމެވެސް ވަރަކަށް ފެނިއްޖެއެވެ. މި ރޯދަމަހު ރޯދަމަހެއްގެ އިހުސާސެއް ނުކުރެވެއެވެ.
މިއިން ކޮންމެ ބޭފުޅަކު ހޮވުނަސް، ރައްޔިތުންނަށް މުހިންމީ ނަތީޖާއެވެ. ސުވާލަކީ މޭޔަރެއްގެ ފަރާތުން ރައްޔިތުން ބޭނުންވަނީ ކޮން ކަމެއްތޯއެވެ
ކުރިއަތް އޮތް ތާނގައިވެސް “ހިޔާލު” އިން މަސައްކަތް ކުރާނީ މިމަގުގައެވެ. ތިކުރާ ކަމަކުން ކުރާނެ ފައިދާއެއް، ނުކުންނާނެ ނަތީޖާއެއް ނޯޢްނާނޭ ގޮވާ އެތައް ރައްޔިތުންނަކާއި ދިމާވެއެވެ. ނަމަވެސް ފަރުވާލެއް ނެތެވެ. ނަޝޭހަތަކީ އެކަނި ހުންނަން ޖެހުނަސް ރިޝްވަތާއި ދެކޮޅަށް ހުންނަ މީހަކަށް ވާށެވެ. އުފާވެރި އައު އަހަރަކަށް އެދެމެވެ
ރައްޔިތުން ބުނަނީ ޕާޓީތައް ދެކެ ފޫހިވެއްޖެކަމުގައެވެ. ޕާޓީތަކުން ބުނަނީ ލާމަރުކަޒީ ނިޒާމު ފުރިހަމައަށް ތަންފީޒު ކުރަން ބޭނުންކަމުގައެވެ. ފެންނަނީ ބަހާއި އަމަލާއި ދިމާވާ މީހުން މަދު ޤައުމެއްގައި ކަންވާނެ ގޮތެވެ