ވައްކަމުގެ ފާހަގައެވެ. ރައްޔިތުންގެ ފައިސާއެވެ. ކުންފުނިތަކާއި ވުޒާރާތަކެވެ. ވަކިތަނެއް ވަކި ގިންތިއެއް ނެތެވެ. ވެރިން ކެވުނު ގޮތަކަށް ކަނީއެވެ. ދައުރު ހަަމަވުމުން ކުރިމަތިލަނީ މަޖިލީހަށެވެ. އަނެއް ފަސް އަހަރު ކާށެވެ. އެހެން މަޤާމެއްގައި ހުރެއެވެ. ކުރިން ކެއި ރައްޔިތުންގެ ފައިސާއިން، ރައްޔިތުންގެ އަތުން ވޯޓު ގަނެގެނެވެ. ނަމަވެސް  އެކަންވަނީ ރައްޔިތުން ވޯޓު ވިއްކާތީއެވެ ހިތާމައިގެ ކޮޅެއްނެތެވެ. ދާއިރާގައި އުޅޭ ޑްރަގް ލޯޑަށްވެސް ވޯޓު ވިއްކާލަނީއެވެ. އެ ދިނީ ތިމާގެ ދަރިންނަށް މަސްތުވާތަކެތި ވިއްކައިގެން ހޯދި ފައިސާއެވެ. އެވަރަށް …

ވެރިން ކުރާ ވައްކަމާއި ދެކޮޅޭ ކިޔާފައި، ހަމަ އެ ފައިސާއަށް ވޯޓު ވިއްކާނުލާށެވެ Read More »

ސަރުކާރަށް އެ ލިބެނީ ލައިސެންސެކެވެ. މިނިވަންކަމުގެ އަސާސަކާއި ކުޅެލުމުގެ ލައިސެންސެކެވެ. ދެން އަންނާނީ ކަންމަތީ ފިހާރައާއި ދިމާލަށް ނޫންކަމެއް ނޭގެއެވެ. އެއަށްފަހު އާންމު މީހާ އޭނާގެ ޖީބުން ހަރުދު ކުރާނެ ގޮތްވެސް ކަނޑައަޅާނީ ސަރުކާރުންނެވެ. މި ދެވެނީ އެވަރުގެ ލައިސެންސެކެވެ

އެއްވެސް އަހްލާގެއް ނެތް، ތައުލީމެއް ނެތް، އުޅުމެއް ނެތް، އެތައް ބަޔަކަށް ވޯޓު ވިއްކީއެވެ. ރައްޔިތުން ބުނަނީ ތިމަންނަމެން ބޭނުމީ މަސްތުވާތަކެއްޗާއި ދެކޮޅަށް ފިޔަވަޅު އަޅާށެވެ. ކޮރަޕްޝަން ހުއްޓުވާށެވެ. މަޖިލީހަށް ތައުލީމީ ޤާބިލް މީހުން ހޮވާށެވެ. ވިޔަފާރިވެެރިންގެ ކޮންޓްރޯލް ކުޑަކުރާށެވެ. ނަމަވެސް ވޯޓަކާއި ޖެހުމުން ވޯޓު ވިއްކާލަނީ އޭގެ އެންމެ އިދިކޮޅު މީހާއަށެވެ. ހަލާލް ހަރާމް ކީއްކުރަންތޯ، ތިމާމެންގެ އަމިއްލަ ބުނުމަށް ވެސް ހަރާންކޯރުވި ބައެކެވެ

ދާއިރާތައް ހަގީގީ މާނައިގައި ތަމްސީލުކުރާނެ މެމްބަރުންނެއް މަޖިލީހަކު ނުތިބެއެވެ. ކިތަންމެ ބޮޑު ވައްކަމެއް ނުވަތަ ކުށެއް ކޮށްފައިވެސް ސިޔާސީ ހިޔަލުގެ ނިވަލުގައި ތިބެނީއެވެ. ރައްޔިތުންނަށް ބަސް ބުނަން ލިބެނީ ފަސް އަހަރު ފަހުންނެވެ

މަޖިލިސް މެމްބަރުންނަށް ބެލިކަމުގައިވިޔަސް، މުސާރައާއި ކޮމެޓީ އެލަވަންސްއާއި، ހެލްތް އިންސިއުރެންސް ސްކީމްތަކާއި، ހެދުނާއި މެންދުރުގެ ކެއުމާއިއެކު ދައުލަތަން ބޮލަކަށް މަހަކު ލައްކައަކަށްވުރެ ގިނައިން ހަރަދުކުރާނެއެވެ. މެމްބަރުންގެ މުސާރަކުޑަކުރުމުގެ ވިސްނުމެއް ނެތެވެ. ވަޒީރުންގެ މުސާރަ ކުޑަކުރުމުގެ ވިސްނުމެއް ނެތެވެ. ކުރީގެ ރައީސުންނާއި ޤާޒީންނަށް ދޭ އިނާޔަތްތައް ކުޑަކުރުމުގެ ވިސްނުމެއް ނެތެވެ. މީގައި މަޖިލިސް މެމްބަރުންނާއި ސިޔާސީ މީހުން އެކަނި ގޯސްކުރެވޭކަށްވެސް ނެތެވެ

ވަގުކަލޭގެ އަތުލައިގަތީމައި ބުނެއެވެ. ވައްކަންކުރީ ފަގީރުކަމުންނެވެ. ނިކަމެތިކަމުންނެވެ. އުޅެންޖެހިފައިވާ ހާލުންނެވެ. ގިނަ މީހުން އުޅެނީ މާބައިވަރުތަކެއް ލިބިގެނެއް ނޫނެވެ. ގިނަ މީހުން އުޅެނީ ކިރިޔާ އަނގަޔާއި އަތާ ދިމާކޮށްލައިގެންނެެވެ. މަސް ނިމޭއިރު އަތުގައި އެއްޗެއްނެތި ބިލުތައްވެސް ނުދެއްކިފައި ހުރެއެވެ. އޭގެ މާނައަކީ އެންމެން ވައްކަން ކުރަންވީތޯއެވެ

ވެނެޒުއޭލާއަކީ ދުނިޔޭގެ އެންމެ ގޯސްކޯށް އިޤްތިސާދު މެނޭޖުކުރި ޤައުމޭ ބުނުމަކުން ދޮގަކަށްނުވާނެއެވެ. އިޤްތިސާދު މެނޭޖުކުރަން ނޭގުނު އެހެން ޤައުމުތައްވެސް އެބަހުއްޓެވެ. ނަމަވެސް ލިބިފައިވާ ވަސީލަތްތަކާއި، ގުދުރަތީ މުއްސަދިކަމާއި، ބިމާއި އިންސާނީ ވަސީލަތަށް ރިޢާއަށްކޮށް ބަލާނަމަ ލިސްޓުގެ އެއްވަނައިގައި އޮންނާނީ ވެނެޒުއޭލާއެވެ. މިލިޔުމުގައި އަޅާކިޔާލަނީ ވެނެޒުއޭލާގެ އިޤްތިސާދާއި ރާއްޖޭގެ އިޤްތިސާދާއެވެ. ހުރި އެއްގޮތް ކަންކަމާއި އަވަސް ފިޔަވަޅު ނޭޅިއްޖެނަމަ، ދެންވެދާނެ ގޮތްތަކަށެވެ

ބޭރު ޤައުމުތަކުގައި އެފަދަ ޤާނޫނޫތަކުން ލިބުނު ފިލާވަޅަށް ބަލައި ބަދަލުތަކެއް ގެނެސްފިއެވެ. އަދު ޤާނޫނުތައް ފަރުމާކޮށްފައިވަނީ “ރެންޓް ސްޓޭބަލައިޒޭޝަން” ޕޮލިސީއަށެވެ. ކުޑަކޮށް ދިރާސާކޮށްލައްވާށެވެ. ތިބޭފުޅުންގެ ހިޔާލަކީ ކޮބައިތޯއެވެ

ފައިދާވާ ކުންފުނިތަކުގެ ދުވަސްދާ ދުވަހުން، އެއިރަކު އޮންނަ ސަރުކާރަކަށް ހިންދެމިލެވޭނެ ގޮތެއް ދެން ނޯންނާނެއެވެ. ތިމާއަށް ވަޒީފާ ލިބޭނަމަ ވަރިހަމަ ވެފައި އަތްޖަހަން ތިބޭ ރައްޔިތުންނަށް، ހިތިރަހަ ލާނީ ކުންފުނި ބަގުރޫޓުވެގެން މީހުންތައް ވަޒީފާއިން ވަކިކުރަން ފެށީމައެވެ. ފެނަކަ އެއޮތީ އެހާލުގައެވެ. ކުރީ ސަރުކާރުން ވަޒީފާތައް ބެހިއިރު، އެއީ ހަމަ ރަށަށް ހިދުމަތްދޭން ހުރި ފައިސާތައް ތަޅާބުރުވާލުންކަން ނުވިސްނުނެވެ. ތިމާއަށް ލިބޭނަމަ ވަރިހަމައެވެ

ރައްޔިތުމީހާގެ ޒިންމާއަކީ ހަމައެކަނި ވޯޓުލުމެއް ނޫނެވެ. ރައްޔިތު މީހާގެ ބާރަކީވެސް ހަމަ އެކަނި ވޯޓު ކަރުދާސްކޮޅެއް ނޫނެވެ. ތިމާގެ ވޯޓުން ހޮވާ މެމްބަރުންނާއި ކައުންސިލަރުން ތިމާ ޒިންމާދާރު ކުރުވަން އުޅެންވާނެއެވެ. އެކަން ނުވަނީ ވޯޓު ވިއްކާތީއެވެ. ވޯޓު ވިއްކަ މީހާއަށް ކަންކަން ރަނގަޅުކުރަން އެދި މެމްބަރު ގާތަށް ދާކަށް ނުކެރެއެވެ. ދިޔަސް މެމްބަރުވެސް ދިމާލަށް ބުނާނީ މިއީ ގަނެފައި އިން ގޮނޑިއެއް ކަމުގައެވެ